Po behet gati një dekadë qekur ka nisur procesi i dialogut Kosovë – Serbi, por ende nuk është arritur një marrëveshje, e cila do ta përmbyllte këtë proces. Përkundrazi, vlerësohet se mund të kalojë edhe viti 2019 pa pasur një marrëveshje përfundimtare mes dy vendeve
Muajin e kaluar janë bërë tetë vjet qekur Kosova dhe Serbia kanë nisur procesin e negociatave për normalizim të marrëdhënieve. Por edhe pse po behet gati një dekadë dy palët e përfshira në procesin e dialogut nuk po mund të arrijnë një marrëveshje, e cila do t’i jepte fund këtij procesi, shkruan Zëri.
Dialogu me Serbinë pati nisur në mars të vitit 2011, fillimisht si dialog teknik, për të vazhduar më pas në nivel politik. Ish-kryenegociatorja Edita Tahiri ka konsideruar se përgjatë viteve janë arritur rezultate të shumta pozitive nga dialogu me Serbinë.
/a.meta
