Pas depërtimit të shtatë shtesasve turq përkrah të Gylenit, në Prishtinë ka nisur një debat për shkarkimin e Presidentit Hashim Thaçi. Deputetja e Parlamentit të Kosovës, Mimoza Kusari Lila shkruan në një status në faqen e saj në Facebook se përveç shkarkimit të kreut të shtetit, partitë duhet të dakordësohen për zhvillimin e zgjedhjeve të reja brenda vitit.
Statusi i deputetes
Po debatohet në Kuvend për ngjarjen e djeshme të deportimit të shtetasve të Turqisë. Kryeministri i vendit zyrtarisht e pranon se nuk ka qenë i informuar dhe se ende nuk po i “din” procedurat e qeverisjes parlamentare.
Kryetari i kuvendit e pranon se sikur të ishte informuar me kohë, do të kishte shkuar në aeroport dhe do të ndalonte deportimin e tyre.
Përmbledhja: As Kryeministri dhe as Kryetari i Kuvendit nuk janë duke e ditur punën dhe përgjegjësitë e detyrave që mbajnë. Në këtë mjegull, Presidenti i shtetit po e shfrytëzon momentin dhe i ka okupu të gjitha pozitat qeverisëse të vendit.
E para, duhet nisur proceduren e shkarkimit të Presidentit në momentin e konfirmimit të përfshirjes së tij në rastin e djeshëm.
E dyta, partitë politike të dakordohen për agjendën legjislative dhe politike afatshkurtër përfshirë këtu edhe afatin e zgjedhjeve të ardhshme parlamentare deri në fund të 2018.
Në këtë katrahurë, asnjëri nga udhëheqësitë institucional nuk janë duke qeverisë për Kosovën.
ma.me
