Më së largu javën e ardhshme pritet që të zhvillohet një tryezë me partitë politike për të diskutuar për çështjen e presidentit të ri. Këtë e bëri të ditur Kryeministri Avdullah Hoti, i cili tha se në rast se nuk pajtueshmëri për presidentin, atëherë duhet të ketë pajtueshmëri për datën e zgjedhjeve.
“Pres që këto ditë, ose javën e ardhshme të mblidhemi sepse nuk është urgjente, por është çështje që duhet t’i japim zgjidhje. Nëse ka gatishmëri për të zgjedhur presidentin atëherë duhet të bisedojmë për gjetjen e një kandidati, nëse jo atëherë duhet të kemi dakordim për datën e zgjedhjeve”.
Është kreu i AAK-së Ramush Haradinaj që ka shfaqur ambiciet për t’u bërë president i vendit, por nuk e ka përkrahjen e deputetëve të PDK-së dhe as të LDK-së. PDK thotë se nëse i kërkohen votat, atëherë kandidati duhet të jetë i kësaj partie, pasi edhe ish-presidenti që sipas tyre dhunshëm i është ndërprerë, mandati ka qenë kryetar i PDK-së kur është zgjedhur në këtë post.
LVV-ja është për zgjedhje të parakohshme. Kosova ka mbetur me ushtrues detyra nga data 5 Nëntor, kur dha dorëheqje Hashim Thaçi nga ky post për t’u ballafaquar me akuzat e Gjykatës Speciale për krime lufte.
