Rreth 1 mijë e 279 përdorues të drogës janë regjistruar në Kosovë në periudhën janar-tetor 2018, thotë një raport i Policisë. Prej tyre 1 mijë e 212 janë të gjinisë mashkullore, ndërsa 67 të gjinisë femërore, raporton KTV.Deri në tetor të këtij viti janë arrestuar 1,782 persona për posedim të lëndëve narkotike, në mesin e tyre ka pasur edhe nxënës.
Në 524 raste janë iniciuar procedura gjyqësore, shumë prej të cilave janë raste kur të rinjtë janë kapur në afërsi apo në oborr të shkollave.Policia e Kosovës është përqendruar ta ndalë përdorimin e drogës në shkolla.Policia ka bërë të ditur se gjatë këtij plani operativ ka konfiskuar 309 gr heroinë, 922 kg marihuanë, 11 gr hashash, 1 kg e 470 gr kokainë, 255 bimë kanabisi dhe 427 gr ekstazi.Por, përqendrimin e Policisë së Kosovës vetëm te shkollat, po e kritikojnë monitoruesit e punës së policisë.
Kreshnik Gashi nga BIRN-i thotë se fokusi i aparatit shtetëror është kthyer te narkomanët, të cilët merren me sasi të vogla droge, derisa po lihen të qetë ata që e menaxhojnë gjithë tregun e drogës.Ai, më tutje, tregon edhe disa raste ku prokurorët dhe disa zyrtarë policorë janë përfshirë në tregun e drogës.Në vitin 2017 kanë qenë rreth 1 mijë e 300 raste ku janë arrestuar 1,426 persona. Po ashtu, gjatë vitit të kaluar sasia e konfiskuar ka qenë relativisht e vogël dhe e matur me njësi grami, përgatiti Koha. (b.an)
