Kryeministri i Republikës së Kosovës, Ramush Haradinaj, i është përgjigjur pyetjes së Presidentit Hashim Thaçi i cili, në një konferencë për media në Paris, ka thënë se Qeveria duhet të tregojë nëse i ka votat e mjaftueshme për ta vazhduar qeverisjen.Komentet, Haradinaj i ka bërë pas përfundimit të shënimit të ceremonisë së 100- vjetorit të përfundimit të Luftës së Parë Botërore, raporton KTV.Ndërkohë, në ngjarjen e organizuar për nder të përvjetorit të Luftës së Parë Botërore, Ambasadori britanik tha se po përkujtojnë miliona njerëz që vdiqën në mbarë botën gjatë asaj lufte.
“…po i përkujtojmë të gjithë ata që dhanë jetën në shërbim të atdheut të tyre. Mes tyre, edhe ata që dhanë jetën për misionin e paqes në Kosovë, duke përfshirë 14 pjesëtarë nga stafi britanez, emrat e të cilëve janë të gdhendur në memorialin prapa meje”, ka thënë O’Connell.
Kryeministri i Kosovës, Ramush Haradinaj, nuk është prononcuar për media gjatë kësaj ngjarjeje, por pastaj, në faqen e tij në Facebook, ka shkruar se Republika e Kosovës i mbetet përherë mirënjohëse SHBA-së për kontributin që ka dhënë për çlirimin e Kosovës.
Gjatë ditës se djeshme, udhëheqës botërorë janë mbledhur në Paris për ta shënuar 100-vjetorin e përfundimit të Luftës së Parë Botërore, ku pjesëmarrës ishte edhe Presidenti i Kosovës, Hashim Thaçi. (b.an)
