Kandidati i Partisë Demokratike për Bashkinë e Tiranës vazhdon të “godasë” me deklaratat e tij të pafajësisë në këtë fushatë elektorale. Këtë radhë kandidati i djathtë ka zgjedhur të jetë sa më gjithëpërshirës në thirrjet e tij karshi elektoratit.
Përpara banorëve të njësisë 9 ai është shprehur se nëse zgjidhet kryebashkiak do të përfaqësojë jo vetëm të demokratët por edhe socialistët e ndershëm.
“Nëse zgjidhem kryetar bashkie do të përfaqësoj të gjithë socialistët e ndershëm”. tha Halim Kosova.
Ai ka pranuar se në këto zgjedhje përfaqëson PD dhe kreun aktual të Bashkisë Lulzim Basha, por në të njëjtën kohë kërkon edhe mbështetjen e elektoratit të majtë, ato të ndershmit konkretisht. Megjithatë ai nuk ka shprehur se me çfarë kriteri do të përcaktojë se cili prej tyr është i ndershëm.
“Përfaqësoj PD-në, jam i zgjedhuri i saj, por ju siguroj se do të përfaqësoj edhe të gjithë socialistët e ndershëm”, tha ai.
Në këtë takim kandidati i djathtë ka ripërsëritur ftesën e tij për një kafe me kryeministrin Rama, ku pyetur nga një qytetare për këtë temë tha:
“Nuk kam vënë asnjëherë kondita se ku mund ta pi kafen me një njeri që e do puna, apo që ka qenë gjithnjë vlerësues i punës time, hiq këtë periudhën e fushatës. Unë pi kafe kudo që të kërkojnë interesat e qytetarëve, në mënyrë që projekte të lëna pas dore, të vijnë te qytetarët se më shumë se kurrë ke nevojë për hapësira të gjelbërta, për rrugë, për ndërtesa funksionale dhe mbi të gjitha për vende pune”, tha u shpreh Kosova.
