Kandidati i djathtë për bashkinë e Tiranës, Halim Kosova, doli sot në një konferencë për shtyp duke falenderuar komisionerët dhe vëzhguesit që sipas tij, punuan me përkushtim.
Deklarata e Kosovës erdhi pas mbylljes së procesit të votimit ndërkohë që ai theksoi se të dhënat paraprake që vijnë nga mbështetësit e PD flasin për një rezultat pozitiv.
“Fitorja jonë gjendet në kutitë e numërimit. U kërkoj djemve e vajzave numërues të ushtrojnë këtë përgjegjësi historikë që kanë, për të bërë të dëgjohet zëri i qytetarëve. Sëbashku nuk do të lejojmë asnjë përpjekje për të deformuar verdiktin e popullit” – u shpreh Kosova 30 minuta pas përfundimit të procesit të votimit.
