Kandidati i Partisë Demokratike për Bashkinë e Tiranës Halim Kosova, gjatë takimit me banorë në Institut, nënvizoi edhe një herë se nuk e sheh veten si politikan, por si një menaxher që do të punojë për zgjidhjen e problemeve të banorëve të Tiranës.
Kandidati i djathtë për bashkinë e kryeqytetit premtoi se do të punojë në zgjidhjen e halleve të banorëve.
“Do të zgjidh çdo hall që keni. Shumë gjëra që duken të pamundura, me punë do të bëhen të mundshme”. tha ai
Halim Kosova përsëriti premtimin se Tirana do të ketë ujë të pijshëm 24 orë dhe se do të ndërhyjë në të gjitha rrugët ku është e nevojshme për përmirësimin e infrastrukturës.
