Në media kosovare shkruhet në një artikull të Petrit Çollakut se kriminelët e dënuar nga Kosova dhe Serbia duhet thjesht të kalojnë kufijtë e njëri-tjetrit që t’i shpëtojnë kryerjes së dënimeve për krimet që ata kanë kryer. Ekspertët ligjorë në Kosovë pohojnë se kriminelët mund të jetojnë lirshëm si të arratisur, sepse Prishtina nuk është ende anëtare e institucioneve policore të Interpolit dhe Europolit që do të ndihmonin me ekstradimet.
Edhe të arratisurit nga Serbia mund t’i shpëtojnë burgut duke ikur në zonën veriore të Kosovës, zonë me shumicë popullsie serbe, sepse Beogradi nuk kërkon ekstradimin e kriminelëve të tij kur ata arrestohen nga policia e Prishtinës.
Kjo për shkak se qeveria serbe nuk pranon asnjë dokument nga gjykatat e Kosovës, sepse ajo nuk i njeh pretendimet autoriteteve të Prishtinës për pavarësi. Serbia refuzon gjithashtu të bashkëpunojë kur kriminelët kosovarë të kërkuar nga Interpoli fshihen në Serbi. (javanews.al / a.n)
