Zv.kryeministrja Ledina Mandija ka reaguar pas iniciativës së policisë për procedimin e drejtorit të spitalit të Beratit dhe deputetit të LSI Gledion Rehovica për korrupsion zgjedhor. Mandija i bën thirrje prokurorisë të marrë masat për të ndjekur procedurat sipas ligjit.
Deklarata e Zv/Kryeministres Mandija:
“Sektori për Hetimin e Korrupsionit në Policinë e Shtetit në bazë të një denoncimi ka filluar procedimin penal ndaj Drejtorit tw Spitalit Rajonal të Beratit, i cili në bashkëpunim me disa punonjës të këtij spitali dhe më një deputet të zonës kanë arritur të konsumojnë veprën penale të korrupsionit aktiv në zgjedhje si dhe përdorimit të funksioneve publike në veprimtari politike ose zgjedhore të parashikuara nga neni 328 dhe 328/a të kodit penal të ndryshuar.
Në këtë kushte unë bëjë thirrje Prokurorisë së Përgjithshme të marrë të gjitha masat për të ndjekur procedurat sipas ligjit dhe për të arritur në një konkluzion përfundimtar në lidhje me procedurat e filluara dhe të iniciuara nga ana e Sektorit të Hetimit dhe Korrupsionit .”
