Drejtuesit e Ministrisë së Mbrojtjes së Kievit dhe biznesmenët ukrainas përvetësuan 40 milionë dollarë të destinuara për blerjen e armëve në fillim të luftës së nisur nga Moska. Këtë e ka zbuluar SBU, agjencia kryesore e inteligjencës dhe sigurisë e vendit.
Keqpërdorimi ndodhi në gusht të vitit 2022, gjashtë muaj pas nisjes së tentativës së Rusisë për pushtimin e vendit.
Paratë do të përdoreshin për blerjen jashtë vendit të 100 mijë predhave, por që nuk u dorëzuan kurrë. Konfirmimi ka ardhur përmes një deklarate të inteligjencës ukrainase.
Kohëve të fundit ka pasur mjaft kritika në drejtim të udhëheqësve të vendit, veçanërisht në Ministrinë e Mbrojtjes, kundër së cilës janë ngritur dyshime të mëdha për shpërdorim fondesh dhe mbifaturim të blerjeve.
