Zëvendësambasadori amerikan në detyrë, Daniel Koski, përshëndeti diplomimin e studentëve të Fakultetit të Drejtësisë në Tiranë. Gjatë fjalës së tij, numri dy i SHBA në Tiranë inkurajoi të diplomuarit se do kenë mbështetjen e plotë të Amerikës në luftën kundër krimit dhe korrupsioni.
Ndër të tjera, zv.ambasadori u shpreh që studentët e sapo dalë nga universiteti duhet të jenë faktorë ndryshimi për forcimin e integritetit të sistemit të drejtësisë në Shqipëri.
“Korrupsioni është gjithandej dhe fshihet në vendet më pak të dyshimta. Ju bëj thirrje që të bëheni pjesë e një brezi të ri që kundërshton korrupsionin kudo që ta shihni. Dhe, ju sfidoj që të bëheni të guximshëm. Demaskojeni korrupsionin dhe nxirreni atë në dritë që ta shohin të gjithë. Kthejeni veten në mbrojtës të një sistemi etik drejtësie dhe heronj të atyre që ai u shërben”, deklaroi Koski.
