Policia e Zyrihut ka arrestuar disa zyrtarë të Federatës Ndërkombëtare të Futbollit(FIFA). Ata akuzohen për pastrim të parave, korrupsion dhe mashtrim gjatë 20 viteve të fundit.
Sipas mediave ndërkombëtare, mësohet se janë të paktën 6 zyrtarë të arrestuar të FIFA-s, mes tyre edhe zv/Presidenti, të cilët kërkohen nga autoritetet amerikane dhe do të ekstradohen në Shtetet e Bashkuara të Amerikës. Deri tani bëhet me dije se Presidenti Blatter nuk është në mesin e të ndaluarve.
Zyrtarët e FIFA dyshohen për ryshfet me vlerë 100 milionë Dollarë.
Operacioni i policisë u zhvillua në një hotel në Zyrih, ku ishin mbledhur anëtarët e FIFA-s për takimin vjetor që do të zhvillohet të premten.
Në fund të muajit Maj mbahen edhe zgjedhjet në FIFA, ku Presidenti aktual Blatter kërkon mandatin e pestë.
