Saimir Korreshi nuk e mohon se ka patur momente gjatë përditshmërisë dhe punës kur sedra e ka ‘penguar’ që të mos përshkallëzojë situatën. Deputeti i PD thotë për “Aldo Morning Show” në Tv Klan se është ndier i fyer nga hipokrizia me të cilën është përballur sa do të donte “t’ia këpuste ndonjë” dikujt prej parlamentarëve.
Por lidhur me këtë deklaratë, ka një person të cilin do të donte që ta rrihte nëse nuk do të kishte sedër.
Saimir Korreshi: Në momente të caktuara kemi dashur të dalim edhe jashtë vetes në parlament.
Aldo: T’ia futësh ndonjërit, “bap!”
Saimir Korreshi: Absolutisht që po, por nuk të lë sedra sepse kalon…edhe pse e kalojnë çështjen sikur të ishin punëtorë të atij parlamenti…
Aldo: Janë njësh ata ore, s’e ke idenë ti, s’i njeh ti këta.
Saimir Korreshi: Ore sikur t’i kishin punësuar. Një herë ishim në Bruksel më kujtohet, përpara Parlamentit Europian, thua ti engjëll, pse s’ulemi ne bashkarisht, rrimë bashkë, çfarë problemi keni ju? Sa mbaron mbledhja… vjen një lloj e përbrendshme që t’ia këpusësh ndonjë… Nuk është se mbahemi shumë për trima, por gjithsesi…është sedra ndonjëherë e sëmurë që… jo realisht ndihesh shumë keq, ndihesh i fyer si ka mundësi që një njeri që ta thotë para deputetëve ose në momente të tjera të thotë po ju keni të drejtë te kjo që ju bëni dhe te pjesa tjetër janë të parët që firmosin për përjashtimin nga parlamenti.
Aldo: Saimir, ta zëmë se, hiqe mënjanë sedrën dhe karakterin, kë do doje të rrihje vendçe?
Saimir Korreshi: Edi Ramën se na e ka sjellë mu këtu me thënë të drejtën.
Aldo: S’e rreh dot, është i gjatë.
Saimir Korreshi: I gjatë, s’ka gjë,e gjejmë një mënyrë.
Aldo: Apo me kokë?
Saimir Korreshi: Hipim te shkallët, në karrige se ia kemi marrë dorën karrigeve.
/a.r
