Korpusi i Vullnetarëve ka ndërmarrë një aksion për pastrimin nga mbetjet të plazhit të Tales. Mentor kikia ka publikuar disa foto të aksionit në Facebook, dhe shton se vullnetarët do të vijojnë aksionete pastrimit.
Ja postimi i tij:
Tale, një plazh i mrekullueshëm, tashmë edhe i pastër
E pastruam edhe plazhin e Tales në Lezhë. Një falenderim vajzave dhe djemve të Korpusit Shqiptar të Vullnetarëve, që punuan me përkushtim, jo vetëm për të pastruar por edhe për të protestuar përmes kësaj pune. Por do të kthehemi sërish, pasi ka ende punë për të bërë. Talja është padyshim plazhi i vetem në Shqipëri që mund të konsiderohet ende i virgjër. Varfëria ka edhe ndonjë të mirë, duke bërë që kjo zonë të mos pësojë fatin e Gjirit të Lalëzit, apo, larg qoftë, të Durrësit. Rreth10 kilometra vijë bregdetare e mrekullueshme, një rërë kurative dhe me hapësirë gjigande, që do ta konkuronte cdo plazh ranor në mesdhe. Ka ende shumë hapësira të paprekura nga babëzia e kioskëzimit, ku natyra është ende në shtëpinë e saj dhe për fatin e saj, planet e një grupi të babëziturish politikano-biznesmenë, që ndërtojne pallate edhe në vijën e ujit ka dështuar.
