Rritet numri i bilancit të viktimave nga koronavirusi në vendin tonë, duke shkuar në 5 persona. Sipas mediave informative bëhet fjalë për një pacient 49-vjeçar nga Puka, por me banim në Tiranë ka ndërruar jetë sot në Spitalin Infektiv në Tiranë.
Viktimën e pestë nga koronavirusi e ka konfirmuar sot edhe Ministria e Shëndetësisë, ndërsa numri i të infektuarve ka arritur në 123.
Bluzat e bardha dhe ekspertë të tjerë të Shëndetësisë janë shprehur se qytetarët duhet t’i ndihmojnë në këtë “betejë” duke zbatuar rregullat e karantinës, pasi siç theksojnë ata, vetëm kështu Shqipëria mund të triumfojë me pasoja më të vogla.
Qeveria shqiptare ka bllokuar çdo aktivitet deri në uljen e agresivitetit të pandemisë COVID-19, e cila për fat të keq u ka marrë jetën mijëra personave në mbarë botën. /e.s/
