Fieri tashmë është një nga qytetet që ka shënuar më shumë raste me koronavirus.
Një nga punonjësit e Degës së Thesarit kishte rezultuar pozitiv nga Covid-19.
Kjo zyrë përbëhet gjithsej nga 6 punonjës të cilët pas njoftimit se kolegu i tyre kishte rezultuar pozitiv u izoluan në banesat e tyre.
Strukturat e shëndetit publik ndërkohë morën analizat e të gjithë punonjësve të kësaj dege ku 4 prej tyre rezultuan pozitiv ditën e djeshme.
Burime për ABC News kanë njoftuar se edhe punonjësi i gjashtë i kësaj zyre ka rezultuar pozitiv duke bërë që e gjithë zyra e degës së Thesarit në Fier të mbyllet pasi punonjësit e saj janë izoluar.
Ndërkohë që kjo zyrë ka kërkuar ndihmë nga Ministria e Financave për veprimet me pagesat në këtë rreth.
Numri total i të infektuarve në këtë qytet sipas Ministrisë së Shëndetësisë ka shkuar në 18 persona.
/a.r
