Mediat italiane bëjnë me dije se dy turistë kinezë të cilët ndodheshin në një nga hotelet e Romës, janë identifikuar me virusin e frikshëm, duke vënë në alarm vendin tonë fqinj.
Kjo për fakltin se kemi të bëjmë me dy rastet e para të të infektuarve me koronavirus që konfirmohen në kryeqytetin italian Romë.
Lajmi është bërë i ditur nga vetë kryeministri italian Giuseppe Conte gjatë një konference për shtyp, në selinë e tij.
Ndër të tjera kryeministri Conte tha se janë marrë masat e nevojshme në lidhje me dy shtetasit kinezë, të cilët janë shtruar në një spital në Romë, me qëllim për të izoluar rastin.
Ende nuk bëhet e qartë sesi e morën virusin turistët kinezë, para se të vinin në Itali, duke mos i pikasur në aeroport.
/a.r
