Coronavirusi COVID-19 ka shkaktuar mbi 100 mije viktima në të gjithë botën deri sot, ndërsa numri i të infektuarve ka kaluar mbi 1.65 milionë qytetarë. Këto janë shifrat e përditësuara nga Universiteti amerikan Johns Hopkins.
Brenda më pak se 4 muajsh COVID-19 ka shkaktuar disafishin e viktimave që kanë pasuar Sars Cov1 apo Ebola.
Numri i të prekurve mendohet se është shumë më i lartë, pasi shumica e personave janë duke u përballur me simptoma të lehta.
Deri tani 368 mijë është numri i atyre që kanë arritur të fitojnë betejën me COVID-19
Shtetet e Bashkuara kanë numrin më të madh të të prekurve, me mbi 475 mijë të pasuara nga Spanja, Italia dhe Gjermania.
Italia deri më tani ka numrin më të madh të të vdekurve, 18,847, ndërkohë 15,843 persona kanë vdekur në Spanjë dhe 12,210 në Francë.
SHBA ka shënuar mbi 17 mijë të vdekur dhe vetëm në New York janë 5 150.
Mbretëria e Bashkuar deri më tani ka 8,973 të vdekur dhe mbi 71,078 të infektuar.
Më pas vin Spanja me 15 mijë e 970 viktima, Franca 13 mijë.
Por duket se nuk do të ndalet me kaq teksa në ditën e sotme Franca dhe Britania morën stafetën sa i përket numrit të viktimave nga COVID-19 brenda 24 orëve.
g.kosovari
