Në Hollandë, sistemi shëndetësor ka hyrë në krizë për shkak të kulmit rekord të infeksioneve dita-ditës.
Njësitë e urgjencave të spitaleve në Amsterdam, Roterdam dhe Hagë janë mbyllur për disa orë për shkak të mungesës së stafit dhe shtretërve, i tha Parlamentit Ernst Kuipers, shefi i mjekësisë së urgjencës në Hollandë.
Disa pacientë u transferuan me ambulancë në spitale të tjera apo edhe në qytete të tjera. Lajmi vjen ndërsa Hollanda hyn në një bllokim të pjesshëm sot me mbylljen e bareve dhe restoranteve për një muaj.
Kuipers foli për “një situatë më të errët” sesa në valën e parë, duke vënë në dukje se spitaleve u është dashur tashmë të shtyjnë qindra operacione dhe të anulojnë trajtimet mjekësore.
Deri në nëntor, pritet një ulje prej 40% e aktivitetit spitalor jo-Covid, i cili mund të rritet në 75% nëse nuk ndalet rritja e infektimeve.
Ndërkohë, për herë të parë që nga prilli, më shumë se 5 mijë raste të reja të infeksionit Sars Cov 2 janë zbuluar në Gjermani brenda 24 orësh.
Shifrat e publikuara nga Instituti Robert Koch këtë mëngjes flasin për 5 mijë e 132 infeksione të reja, mbi 1 mijë më shumë sesa një ditë më parë.
Portugalia dekreton një “gjendje fatkeqësie” e cila do të hyjë në fuqi nga mesnata së bashku me kufizime të reja.
“Kjo maratonë është e gjatë dhe do të përfundojë vetëm kur të ketë trajtim efektiv,” tha Kryeministri Antonio Costa. Maksimumi 50 pjesëmarrës në pagëzime dhe dasma, dhe mbledhje të kufizuara në pesë persona.
Shkollat dhe pub-et e mbyllura në Irlandën e Veriut
Kryeministri i Irlandës së Veriut Arlene Foster përshkroi masat e reja, të cilat gjithashtu përfshijnë kufizime në dasma dhe funerale.
Pub-et dhe restorantet do të mbyllen për katër javë, me përjashtim të marrjeve dhe dërgesave, ndërsa pushimi afatmesëm i Hallouin për shkollat është zgjatur në dy javë.
E njëjta masë, por për tre javë, është miratuar edhe nga Republika Çeke.
Në Spanjë, Katalonja ka vendosur të mbyllë të gjitha baret dhe restorantet në rajon për 15 ditë.
Në Belgjikë, mes 4 dhe 10 Tetorit kishte një mesatare prej 5 mijë e 57 infeksionesh në ditë, një rritje prej 93% krahasuar me periudhën e mëparshme shtatë ditore.
/a.r
