Karantinë për këdo që vjen nga Italia! Autoritetet Shëndetësore të Britanisë së Madhe kanë shtuar masat për koronavirusin, pas numrit në rritje të viktimave nga Italia.
Deklarata u bë nga profesor Chris Whitty, këshilltar kryesor mjekësor i qeverisë së Londrës.
“Përkeqësimi i situatës në Itali, na ka shtyrë që të jemi të kujdesshëm dhe të të fusim në karantinë ose në vetizolim këdo që vjen nga çdo pjesë e Italisë”, thotë Whitty.
Ky shtim masash vjen pasi pasditen e së enjtes u shënua viktima e parë në Britaninë e Madhe.
Në total në Britani, numri i të prekurve ka shkuar në 115, ku vetëm ditën e sotme janë shtuar 28 raste të reja.
Në total në të gjithë botën janë konfirmuar 97 873 raste me koronavirus dhe 3353 të vdekur.
Vendi më i goditur është Kina me 3013 të vdekur, i ndjekur nga Italia me 148 viktima.
/a.r
