Ambasada Amerikane në Tiranë në kuadër të masave që janë marrë për mos të lejuar përhapjen e koronavirusit, ka vendosur anulimin e të gjitha intervistave për Viza Jo-Emigruese deri më 3 prill, 2020.
Në një postim në facebook, Ambasada bën me dije se do të procesojë vetëm takimet urgjente për Viza Jo-Emigruese, ndërsa procesimi i Vizave Imigruese dhe shërbimet për qytetarët amerikanë do të vazhdojnë pa ndërprerje.
Gjithashtu Ambasada e Shteteve të Bashkuara ka vendosur të shtyjë ose anulojë të gjitha aktivitetet dhe mbledhjet e ardhshme publike deri në 3 Prill 2020.
Njoftimi i Ambasadës:
Në mbështetje të përpjekjeve të qeverisë së Shqipërisë për të parandaluar përhapjen e mëtejshme të COVID-19 duke kufizuar grumbullimet publike dhe praktikimin e largësisë midis personave, Ambasada e SHBA ka anuluar të gjitha intervistat e paracaktuara për Viza Jo-Emigruese deri më 3 prill, 2020. Gjatë kësaj kohe, Ambasada do të procesojë vetëm takimet urgjente për Viza Jo-Emigruese. Procesimi i Vizave Imigruese dhe shërbimet për qytetarët amerikanë do të vazhdojnë pa ndërprerje. Në përputhje me përpjekjet e qeverisë së Shqipërisë për të zvogëluar përhapjen e COVID-19, Ambasada e Shteteve të Bashkuara ka vendosur të shtyjë ose anulojë të gjitha aktivitetet dhe mbledhjet e ardhshme publike deri në 3 Prill 2020.
Lexoni njoftimin e plotë të Ambasadës së SHBA dhe përditësime të tjera mbi COVID-19, këtu: https://bit.ly/38HVTQE
Një ditë më një vendim të tillë e mori dhe ambasada gjermane, që bënte me dije se nuk do kishte asnjë pritje me qytetarët në lidhje me vizat.
g.kosovari
