Koreja e Jugut ka kryer një stërvitje duke përdorur raketa reale për të simuluar një sulm ndaj Koresë së Veriut, në vendin bërthamor të shtetit komunist ku kryhen testimet e bombave.
Raketa të nisura nga avionë luftarakë janë nisur paralelisht me raketa balistike të qëlluara nga toka. Kjo stërvitje e Koresë së Jugut me raketa luftarake vjen si kundërpërgjigje ndaj Koresë së Veriut, që një ditë më parë testoi një bombë me hidrogjen, e cila shkaktoi tërmet artificial 6.3 ballë.
Edhe SHBA dënoi fort këtë ngjarje dhe tha se çdo kërcënim ndaj territorit amerikan por edhe aleatëve të saj do të merrte një “reagim masiv ushtarak”.
Peniani ka sfiduar vazhdimisht sanksionet e OKB-së dhe të vendeve ndërkombëtare, duke zhvilluar programin e saj bërthamor. Vetëm një javë më parë, Koreja e Veriut ka lëshuar një raketë balistike jo bërthamore, e cila kaloi mbi Japoni dhe më pas u rrëzua në Oqeanin Paqësor. Që prej asaj dite, tensionet kanë ardhur në rritje mes shtetit komunist dhe SHBA-së e vendeve të saj aleate.
a.ç
