Një 48-vjeçar, banues në fshatin Mborje në Korçë ka rënë në pranga, pasi në gjendje të dehur ka përplasur me automjet patrullën e policisë.
Shpëtim Prrenjasi u arrestua natën e kaluar pasi duke lëvizur me automjet tip “Golf” me targë AA 743 CA, në “Bulevardin Republika” ka aksidentuar mjetin e policisë. Nga kjo ngjarje nuk ka persona të lënduar, përveç dëmeve materiale.
Njoftimi i policisë:
Specialistët e Seksionit për Krimet në Komisariatin e Policisë Korçë, bënë kapjen dhe arrestimin në flagrancë të shtetasit: Shpëtim Prrenjasi, 48 vjeç, banues në fshatin Mborje.
Arrestimi i tij u bë pasi, më datë 11.01.2018, rreth orës 23:00, në “Bulevard Republika”, ky shtetas duke drejtuar në gjendje të dehur mjetin tip “Golf”, me targë AA 743 CA, është përplasur me një mjet të patrullës së Policisë tip “Chevorlet” duke shkaktuar vetëm dëme materiale.
Materialet i kaluan Prokurorisë të Rrethit Gjyqësor Korçë për veprën penale “Drejtimi i mjetit në mënyrë të parregullt” parashikuar nga neni 291 i Kodit Penal.
a.ç
