Në zonat malore të qarkut të Korçës vazhdojnë reshjet e dëborës, ku trashësia e borës së re ka arritur deri në 25 cm. Prefektura e Korçës bën të ditur se vazhdon puna për pastrimin e borës, në aksin Korçë – Ersekë me 3 borëpastruese. Qarkullimi në segmentin Qafa e Qarrit pjesërisht këshillohet të kryhet me zinxhirë. Në segmentin Boboshticë – Dardhë po punohet me 2 mjete borëpastruese, duke bërë zgjerimin e rrugës, pasi trashësia krijon ngushtim të saj dhe vështirëson lëvizjen e mjeteve. Lëvizja në këtë segment bëhet me zinxhirë”.
Në aksin rrugor Korçë – Voskopojë po punohet me 2 borëpastruese dhe qarkullimi në segmentin Voskop – Voskopojë pjesërisht kryhet me zinxhirë. Sipas prefekturës, në akset rrugore rurale deri në qenderat e njësisë administrative lëvizja behet me zinxhirë. Janë ende të pa hapura rrugët e fshatrave: Pepellash – Nj.A Mollas, Panarit – Nj.A Vithkuq, Desmire dhe Babjen – njësia administrative Gore, Sterkanj, Osnat, Nice dhe Derdushe – njësia administrative Dardhas.
“Problem shqetësues përbën Ura e Kriçkovës për kalimin e nxënësve të shkollës. Ndërsa nga OSHEE po punohet për riparimin e defekteve në zonat Lekas, Senisht – Nj.A Gore, Vidohove – njësia administrative Miras, Kaduc, Kabash, Shijan dhe Selenicë e Pishës – Bashkia Kolonjë, të cilat aktualisht nuk kanë energji”.
Në fshatin Dardhë dëbora ka arritur rreth 25cm, në Vithkuq rreth 25 cm, në Voskopojq rreth 10 cm dhe në Qafën e Qarrit rreth 20 cm./a.meta
