Drejtoria e ALUIZNI-t ka publikuar listën e personave që përfitojnë lejen e legalizimit për qarkun Korçë dhe konkretisht për qytetet Korçë dhe Pogradec.
Bëhet fjalë për 152 përfituesit e lejes së legalizimit për ndërtimet informale.
Në njoftimin e bërë nga ALUZINI, personat që gjejnë emrin në listë janë të lutur të shkojnë e të tërheqin lejen e legalizimit pranë drejtorisë rajonale. Agjencia e Legalizimit, Urbanizimit dhe Integrimit të Zonave/Ndërtimeve Informale (ALUIZNI) bën të ditur se procesi i legalizimit po ecën me ritme pozitive.
Institucionet e linjës e kanë klasifikuar procesin e legalizimeve brenda programit që lidhet me planifikimin urban dhe strehimin.
Objektiv i këtij programi është që të bëhet realizimi 100 për qind i procesit të legalizimit dhe përpunimit të informacionit tekniko-ligjor për objektet e kualifikuara, deri në fund të vitit 2018. /b.d
