Policia e Korçës ka proceduar penalisht në gjendje të lirë inspektorin e Inspektoratit të Pyjeve dhe Mjedisit, për veprën penale “Shpërdorim detyre”. Specialistët e Seksionit Kundër Korrupsionit në Drejtorinë Vendore të Policisë Korçë, në bashkëpunim me Prokurorinë e Rrethit Gjyqësor Korçë, filluan procedimin penal në gjendje të lirë ndaj D.M, 41 vjeç, banues në fshatin Kallamas-Pustec, me detyrë inspektor pranë Inspektoriatit të Pyjeve dhe Mjedisit Korçë.
Procedimi ndaj tij filloi pasi, dyshohet se ai ka favorizuar mjete të ndryshme të pajisura me dokumentacionin e duhur, për të transportuar lëndë drusore nga fshati Lozhan drejt Maliqit, si edhe nga fshati Vithkuq drejt qytetit të Korçës.
Policia sqaron se ky rast është ndjekur me metoda speciale të hetimit. Gjithashtu për 41-vjeçarin Gjykata e Rrethit Gjyqësor Korçë ka vendosur masën : “Pezullimi i ushtrimit të një detyre a shërbimi publik”. Materialet në ngarkim të tij i kaluan Prokurorisë të Rrethit Gjyqësor Korçë për veprime të mëtejshme. /ma.me
