Policia e Korçës ka arrestuar në flagrancë tre persona të akuzuar se do të trafikonin drejt Greqisë rreth 1.8 kg kokainë. Në kuadër të finalizimit me sukses të operacionit të koduar “Udhëtimi 2” janë vënë në pranga Arben Shquti, 51 vjeç, Vangjel Zguri, 42 vjeç, dhe Renaldo Thoma, 34 vjeç, që të tre banues në Korçë.
Sipas policisë arrestimi i tyre u bë pasi gjatë kontrollit të ushtruar në automjetin tip “BMË” me targa AA 255 DL, në pronësi të Renaldo Thoma si dhe gjatë kontrollit të banesave të shtetasve të mësipërm u është gjetur një sasi prej 1kg e 873.6 gr, lëndë narkotike kokainë e cila dyshohet se do ta trafikohej në shtetin grek.
Krahas lëndës narkotike, në cilësinë e provës materiale janë sekuestruar 1550 Euro, 23,500 lekë të reja, 5 automjete si dhe 17 aparate telefonik celularë.
Materialet i kaluan Prokurorisë së Krimeve të Renda, në Tiranë për hetime të mëtejshme për veprën penale “Trafikim të lëndëve narkotike” kryer në bashkëpunim dhe mbetur në tentativë.
