Kanosjet e vazhdueshme ndaj të atit, dhuna e ushtruar ndaj bashkëshortes dhe grabitja e një banese, i kanë kushtuar shtrenjtë një 41-vjeçari nga Korça.
Policia njofton arrestimin e ti, ndërsa sqaron se të gjitha ngjarjet për të cilat akuzohet kanë ndodhur gjatë 10 ditëve të fundit.
“Komisariati i Policisë Korçë, si rezultat i kontrolleve të kryera në zbatim të masave të planit operacional “Sundimi i ligjit”, për kapjen e shtetasve në kërkim, kapi dhe ndaloi shtetasin Z. G., 41 vjeç, banues në Korçë. Ky shtetas ishte shpallur në kërkim pasi dyshohet se:
-më datë 13.07.2024, ka dhunuar bashkëshorten e tij, e cila u pajis me urdhër mbrojtjeje;
-më datë 15.07.2024, në lagjen nr. 10, Korçë, ka vjedhur në një banesë, një celular dhe një shumë parash.”
