Një 63 vjeçar grek është arrestuar nga policia e Korçës, pasi ka tentuar të përdhunojë një të re shqiptare, dhe më pas e ka denoncuar atë për vjedhje. Ngjarja ka ndodhur në qytetin e Korçës, ku në pranga ka rënë shtetasi grek Georgios Karakatsianis, 63 vjeç, banues në Kostur të Greqisë.
Në të njëjtën kohë ka nisur procedimi penal edhe ndaj 34 vjeçares me iniciale N.H., banuese në Vidohovë të Devollit. Sipas policisë, procedimi ndaj saj filloi pas kallëzimit të bërë nga Karakatsianis, i cili ka deklaruar, se ajo i ka vjedhur atij nga dora rreth 100 euro.
Por efektivët blu gjatë kontrollit në banesën e 34 vjeçares nuk kanë arritur të gjejnë prova. Por gjatë deklarimit të dëshmitarëve si dhe provave të mbledhura në vendngjarje, ka rezultuar se shtetasi grek, ka tentuar të kryejë marrëdhënie seksuale me dhunë, me të renë shqiptare.
Pas kësaj, policia arrestoi 63-vjeçarin për veprën penale “Marrëdhënie seksuale me dhunë me të rritura, mbetur në tentativë.
