Dy persona kanë rënë në pranga pasi akuzohen për armëmbajtje pa leje të armëve të ftohta. Burime nga policia e Korçës bënë me dije se bëhet fjalë për Mariglen Selimin, 27 vjeç dhe Erion Meçollarin, 31 vjeç, të dy banues në këtë qytet. Të njëjtat burime pohuan se dje në lagjen nr 8, në Korçë, Meçollari, u kap në flagrancë nga duke i shitur Selimit 1 dorezë grushti.
Gjatë kontrollit trupor të ushtruar ndaj Meçollarit, atij iu gjet e bllokua edhe 1 thikë e 1 dorezë (përforcuese) grushti. Me cilësinë e provës materiale, shtetasve të mësipërm, iu sekuestruan thika dhe dy përforcueset, të cilat ata i zotëronin pa lejen e organeve përkatëse.
Materialet i kaluan Prokurorisë të Rrethit Gjyqësor Korçë, për veprën penale “Prodhimi dhe mbajtja pa leje e armëve të ftohta”.
