Policia e Korçës ka arrestuar një 18 vjeçar, i cili akuzohet se ka kryer marëdhënie seksuale me një të mitur të moshës 12 vjeçare. Vajza me inicialet A.D ishte larguar nga shtëpia e saj dy ditë më parë dhe është gjendur vetëm këtë të enjte, nën shoqërinë e 18 vjeçarit të arrestuar Kristjan S.
E mitura u gjend në fshatin Pirg të Maliqit.
‘Në vijim të komunikatës datë 13.01.2016, e cila bën fjalë për, largimin nga banesa të shtetases A.D, 12 vjeç, banuese në Korçë, ju bëjmë me dije se nga ana e Specialistëve të Seksionit për Krimet, u bë e mundur gjetja e saj, në fshatin Pirg – Maliq. Gjithashtu u bë ndalimi me iniciativë i shtetasit Kristjan S, 18 vjeç, banues në Korçë. Ndalimi i këtij shtetasi, u bë pasi nga deklarimet e marra, si dhe veprimet hetimore të kryera, dyshohet se ky shtetas ka kryer marrëdhënie seksuale, me shtetasen e mitur, gjatë kohës që kjo e fundit, ishte larguar nga banesa dhe u gjet e shoqëruar me 18 vjeçarin”, thuhet në njoftimin e Policisë.
