Policia e Korçes arrestoi dy të rinj si autorë të grabitjes me maska ndodhur mëngjesin e kësaj të mërkure në fshatin Drenovë. Ata janë 19-vjeçari Kostandin Tona, nga Korça, dhe shoku i tij 16-vjeçar me inicialet D.K.
Sipas policisë, mëngjesin e sotëm në orën 6:20 ata hynë me dhunë dhe të maskuar në banesën e dy të moshuarve. Pasi i kanë dhunuar fizikisht, dy të rinjtë kanë grabitur 45 mijë lekë, si dhe sende me vlerë. Grabitësit duket se ishin në djeni që të moshuarit jetonin të vetëm.
Fqinjët e të moshuarve, pasi dëgjuan ulërimat nga banesa që po grabitej, kanë njoftuar policinë. Edhe pse ata u larguan, ka zgjatur vetëm 4 orë liria e dy të rinjve, që tani akuzohen për veprën penale të “vjedhjes me dhunë” kryer në bashkëpunim.
TCH/d.i.
