Policia e Sarandës, ka kryer një kontroll në banesën e Klement Balilit dhe nuk e ka gjetur aty. Ish-drejtori i Transporteve te Sarandes, i dyshuar si i perfshire ne narkotrafik dyshohet se është larguar për t’ju fshehur hetimeve të nisura.
Ky është sqarimi i policisë së shtetit, në lidhje me mosgjetjen e biznesmenit Balili në banesën e tij, të deklaruar në Sarandë. Por me çfarë urdhëri u krye kontrolli!?
Zyrtarë të policisë së shtetit i thanë ABC NEWS se kontrolli i kryer ne banesen e tij kishte si qellim shoqërimin e tij per te kërkuar nga ai që mos të largohet nga banesa, pasi prokuroria i kishte dërguar palës greke një letër-porosi duke kërkuar të sjellin provat që implikon atë në trafik droge.
Por pavarësisht këtij arsyetimi, ligjërisht është prokuroria e krimeve të rënda ajo që duhet të jap urdhër ndalimi apo kontrolli për personin në fjalë, pasi dosja ndodhet në hetim nga ata. Sipas prokurorisë, policia duhet ta mbante në vezhgim policor pas publikimi të fakteve se ai dyshohet si kreu i trafikut të drogës. Por mosmbajtja e tij në vëzhgim, nga policia është arsyetuar se nuk është kërkuar një veprim I tillë hetimor nga prokuroria. Këta të fundit, justifikohen se nuk mund të lëshonin urdhër ndalimi pasi nuk ka urdhër-ndërkombëtar dhe prova që implikon atë në trafik droge. Pavarësisht këtyre këtyre përplasjeve deklarative, ka qenë vet drejtori I përgjithshëm Haki Çako që pak orë pas publikimit të lajmit nga mediat greke për implikimin e biznesmeneve shqiptarë të përfhirë në trafik droge, që tha se opeacioni është ndërkombtar bashkë me policinë shqiptare.
Por edhe pse policia pretendon se ishte pjesë e këtij operacioni ndëkrombëtare, rezulton që Klemend Balili është zhdukur nga syte e efektivëve të policisë. Mediat greke, pretenduan se Balili ka mbrojtje nga politika shqiptare, çka u përgenjeshtru nga ambasada jonë në Athinë.
Klemend Balili nuk u gjet në banesën e tij dhe sipas sistemit TIMS ai rezulton se nuk ka dale nga territori shqiptar, por në drejtim të paditur për policinë e shtetit.
Nga ana tjetër, prokuroria thotë se presin provat nga drejtësia greke që të urdhërohet arrestimi I tij.
