Me kontrolle të vazhdueshme dhe jo besim qorr, të gjitha produktet shqiptare janë të sigurta. Kështu u shpreh në “Dita Jonë” në A2 CNN teknologu Abdyl Sinani, duke dhënë disa këshilla dhe sugjerime pas skandalit të fundit të pjeshkëve të bllokuara në Kroaci. Sipas tij duhen laboratorë të plotë që të kontrollojë me përgjegjësi çdo prodhim që del në treg.
“Duhen laboratorë të plotë që të kontrollojë me përgjegjësi çdo prodhim që del në treg. Dhe nëse nuk bëhet me analiza laboratorike atëherë jemi kot. Nikeli duhet të jetë 0.5 miligram për kg ai doli 3-4miligram për kg. Ne duhet t’i bëjmë analizat në laborator. Direkt konsumatori nuk e dallon dot, që të verë te konsumatori mblidhen në qendër grumbullimi dhe atyre bëhen analizat dhe jepet certifikata, po u bënë këto është i kontrolluar. Nëse shikon që në frigorifer ke mish pule e sallam duhet ta shohë e konsumatori. Mban përgjegjësi prodhuesi, AKU dhe konsumatori”, u shpreh në A2 CNN teknologu.
Ai thekson se peshku nuk duhet të shitet në rrugë dhe mishi duhet të qëndrojë në frigorifer në 4 gradë.
“Peshku nuk duhet të shitet në rrugë, dhe nuk shitet më në rrugë. Mishi në frigorifer ose lopa sa theret duhet të futet në 4 gradë dhe kur merr mishin e shikon nga ngjyra. Duhet të kontrollojmë më shumë specialistët. Kodi lot që çdo prodhim ka pasaportën e vet nga vjen dhe specialistët duhet të përgatiten deri në janar dhe AKU duhet të ketë specialistët më të mirë”.
Ndërsa frutat dhe perimet sipas teknologut duhet të lahen me sodë dhe uthull dhe të qëndrojnë në 20 gradë.
“Frutat dhe perimet duhet të lahen me ujë me sodë ose me uthull, që të heqësh pjesën e sipërme megjithëse nikeli futet në tul, i ul përqindjen. Do larë e pastruar, pastaj duhet të mbash në një temperaturë jo më shumë se 20 gradë, kurse mishi e bulmetrat në 4 gradë”.
Po kështu teknologu shprehet se në market prodhimet janë më të kontrolluara.
“Me kontrolle të vazhdueshme, të gjitha produktet shqiptare janë të sigurta. Flisnim për bukë me helm dhe ishte se merrte miell nga serbia dhe kishte oksalate specialsitët tanë e kapën dhe tani je i sigurtë komplet.Po more në supermarket janë të kontrolluara, ndërsa e merr nga fermeri direkt duhet kontroll jo besim qorr”.
Lidhur me skandalin e pjeshkëve të kthyera nga Kroacia, teknologu tregon pasojat dhe përgjegjësitë.
“Ka ndodhur me mandarinat qumështin dhe tani është më e rrezikshme se të ketë nikel pjeshka është mjaft e dëmshme për organizmin. E para vjen nga toka ne më parë kishim institutin e tokës dhe niste me përgjegjësi që nga toka deri në prodhim. Vijnë nga ajri. Pesticidet e larta tregojnë se edhe agronomët nuk e ndjekin me përgjegjësi. Agronomët duhet ti organizosh dhe t’u tregosh ku duhet të veprojnë që ne mos të trembemi se çfarë hamë”.
Ndërsa shigjeton Ministrinë e Bujqësisë, pasi sipas tij në komision e ngritur pas pezullimit të AKU-së duhet të kishte edhe teknologë e veterinerë jo vetëm agronomë.
“Kryeministri e pezulloi AKU dhe do të krijohet një komision që të pestë ata që duhet të kontrollojnë janë agronomë. Por në vend që të jenë teknologë janë agronomë. Po u shkëput nga jeta merret teknologu e kimisti. Kjo nuk u bë. Ministria e Bujqësisë duhet të mbajë përgjegjësi për këtë punë duhet të kishte dhe veterinerë”.
