Parlamenti i Republikës së Maqedonisë zhvilloi dje seancën e parë konstituive të tij.
Nga 120 deputetë të zgjedhur, të pranishëm në seancën e parë konstituive të parlamentit ishin 118 ligjvënës, ndërsa munguan dy deputetët e Partisë Demokratike Shqiptare (PDSH).
Seancën e parë e kryesoi kryetari në largim i parlamentit, Trajko Velanovski, i cili verifikoi mandatet e deputetëve të zgjedhur dhe caktoi zëvendësit e tij Stojan Millanov dhe Jusuf Hasani.
Koalicioni i përbërë nga VMRO-DPMNE ka 51 deputetë, koalicioni i kryesuar nga LSDM ka 49, Bashkimi Demokratik për Integrim (BDI) ka 10, Lëvizja BESA ka pesë deputetë, Aleanca për Shqiptarët tre deputetë dhe Partia Demokratike Shqiptare (PDSH) ka dy deputetë.
Në këtë përbërje parlamentare nuk ka deputetë të diasporës për shkak të numrit të pamjaftueshëm të votave të fituara./a.m.
