Këshilli bashkiak i Pogradecit, i dalë nga zgjedhjet lokale të 30 qershorit u konstituua sot, ndërsa pritet edhe betimi i kryebashkiakut Ilir Xhakolli.
Në këshillin e ri, 20 anëtarë i përkasin Partisë Socialiste, tre janë të Aleancës Demokratike Shqiptare, dy nga Partia Social Demokrate, ndërsa disa parti të tjera të vogla kanë nga një anëtar.
I pranishëm në mbledhje ishte edhe ministri i Shtetit për Mbrojtjen e Sipërmarrjes, Eduard Shalsi, i cili inkurajoi këshilltarët e rinj që të jenë sa më pranë njerëzve.
Sipas tij, “tani do të nisë një kapitull i ri për Pogradecin”. “Kemi pushtetin qendror, por edhe vendor tashmë. Bashkia aktuale ishte një model sesi nuk duhet të menaxhohet një qytet. Duam të nisim një kapitull të ri për Pogradecin”, tha Shalsi.
/a.r
