Partia Demokratike çeli fushatën në Lezhë ku ishte i pranishëm edhe kongresmeni amerikan Bob Mcween. Ky i fundit gjatë fjalës së rastit ftoi shqiptarët të votojnë Bashën për të çuar vendin përpara sipas tij.
Duke i’u drejtuar demokratëve, kongresmeni i ka këshilluar ata të bëjnë çdo gjë në këto 28 ditë të mbetura nga fushata që Lulzim Basha të jetë kryeministër i vendit, dhe kjo nuk bëhet duke luftuar me plumba, tha ai.
“Lufta që do bëni 28 ditët e ardhshme nuk është me plumba, është për votën. Nëse i doni fëmijët tuaj, nëse e respektoni veten tuaj në këto 28 ditë bëni çdo gjë keni mundësi, merrni çdo njeri, shkoni në çdo derë dhe mundësoni që Lulzim Basha të jetë kryeministër i Shqipërisë”,- tha ai./a.m.
