Konflikti në Rusi ka shtuar shqetësimin edhe në rajonet të tjera nga ato të përfshira drejtpërdrejt në konflikt. Ballkani Perëndimor është një nga zonat më të prekura nga vala e përplasjes së madhe midis Perëndimit dhe Moskës.
Enver Hoxhaj, ish-ministër i Jashtëm i Kosovës, ka shkruar një botim voluminoz mbi këtë konflikt dhe pasojave të mundshme, edhe afër nesh.
“Ideja e librit është në vazhdën e përpjekjeve për të kuptuar Rusinë. Kosova ka qenë viktimë e qasjes ruse për Ballkanin. Për shkak të vetos ruse, Kosova nuk është anëtare e OKB-së. Përfshin padyshim edhe ngjarjet e fundit në Ukrainë, një ngjarje kthesë. Pas 24 shkurtit bota e djeshme është ndryshe nga ajo pas asaj date”.
Sipas tij, Ballkani ka qenë gjithmonë prioriteti gjeostrategjik i Kremlinit, madje i dyti për nga rëndësia. “Prioritetin rus për Ballkanin e ka deklaruar vetë Putin kur vizitoi Zagrebin në vitin 2000, është më i rëndësishmi pas Detit të Zi. Ukraina është fronti i parë, Ballkani është i dyti, edhe pse nuk mund të ketë këtu një luftë të hapur”.
“Ballkani i Hapur”, Hoxhaj: Nisma e Ramës nuk dëmton Kosovën, kërkon zhvillim përmes hapave të ndërmjetme
Moska po përdor në rajon luftën hibride, sipas doktrinës së teorizuar nga shefi i Shtabit të Forcave të Armatosura, Valery Gerasimov. “ Përdoren instrumenta politike, ku ka parti që kanë marrëdhënie të ngushta me Rusinë, Serbia ka marrëdhënie strategjike, është një lloje platforme ruse për të ndikuar në Ballkan. Rusia ka përdorur edhe investimet ekonomike, si dhe atë që cilësohet si fuqia e butë, pra mediat dhe jeta akademike, gjithçka në tentativën për të krijuar ndikim.
Ndikim ky, nga i cili faktori shqiptar sipas Hoxhajt është i përjashtuar. “Partitë në Shqipëri, Kosovë por edhe në pjesën shqiptare të Maqedonisë së Veriut, kanë marrëdhënie me parti anëtarë të Parlamentit Europian, ndërkohë që në Serbi, në republikën serbe në Bosnje por edhe në Maqedoninë e Veriut, ka parti që janë platformë ruse. Putin dhe Vucic kanë shumë gjëra të përbashkëta, Serbia dhe Rusia apo ashtu. Kjo që po ndodh tregon se Rusia nuk e ka tejkaluar ankthin për shpërbërjen e Bashkimit Sovjetik, ashtu si Serbia nuk ka kaluar atë të Jugosllavisë”.
Hoxhaj mendon se për kë të arsyeje Kosova duhet të tregohet vigjilente, por se rreziku buron tjetërkund. Nuk mendoj se Kosova mund të jetë cak direkt i kërcënimit. Shqiptarët në Kosovë dhe kudo janë faktori më pro-perëndimor. Ndërkohë, vendi që mund të ndikohet më shumë është Bosnja.
/a.r
