Konflikti për një femër ishte shkaku i masakrës në kryeqytet më 27 maj. Këto të dhëna kanë dalë nga Prokuroria e Krimeve të Rënda, një javë pas vrasjes së trefishtë, ku mbetën të vrarë Mentor Lufi, Besnik Sulku dhe Gerti Goxhaj.
Hetuesit holandez kanë sjellë materiale në Prokurorinë e Krimeve të Rënda, ku theksohet se gjithçka ka nisur në një diskotekë në Roterdam.
Durim Sulku është konfliktuar me Mentor Lufin për një femër, që Durim Sulku e shfrytezonte si prostitutë.Sipas prokurorisë, rezulton se Mentor Lufi ka dashur t’ia marrë këtë femër Durim Sulkut, por ky i fundit nuk e ka lejuar.
Kjo ka qenë zanafilla e konfliktit midis vëllezërve Sulku dhe Mentor Lufit.Më pas, ngjarja zhvendoset në Shqipëri, ku në dhjetor të vitit 2014, Mentor Lufit i bëhet një atentat dhe plagoset rëndë. Për këtë ai akuzon vëllezërit Sulku.
Rreth 4 muaj më pas, më 6 prill të vitit 2015, Durim Sulku vritet me 4 plumba në kokë në Roterdam.Për vrasjen e tij Prokuroria e Krimeve të Rënda po heton dy vëllezërit, Markeljan dhe Klevis Doçi.
Besnik Sulku, vëllai i të ndjerit Durim Sulku, hakmerret per vdekjen e tij dhe në 27 maj i bën atentat Metor Lufit dhe dy nipërve të tij. Atentat që shkaktoi 3 viktima: Mentor Lufi, Besnik Sulku dhe Gerti Goxhaj.
