Mbajtja e presidentit sirian Bashar Al-Asad në detyrë nuk është e rëndësishme por ky vendim i takon popullit sirian sipas Rusisë.
Kjo është përgjigja që i ka dhënë Ministria e Jashtme ruse qëndrimit të Shteteve të Bashkuara dhe vendeve të tjera perëndimore të cilat kërkojnë gjetjen e një zgjidhjeje për konfliktin, por pa Asadin.
“Ne nuk jemi duke thënë se Assad duhet të largohet ose të qëndrojë”- tha zëdhënësja e Ministrisë së Jashtme ruse Maria Zakha. Sipas saj fati i presidentit sirian duhet të vendoset nga populli i tij.
Rusia po mbështet qeverinë siriane me sulmet ajrore mbi rebelët, fushatë e cila është kundërshtuar ashpër nga SHBA, sipas së cilës këto sulme po dëmtojnë grupet antiqeveritare dhe po forcojnë terroristët e ISIS.
