Në ditën e dytë të Asamblesë së NATO-s që po mbahet në Tiranë ka pasur tensione në komitetin e shkencës dhe teknologjisë, të komentuara më pas edhe nga vetë ministri i Energjisë Damian Gjiknuri.
Drejtuesja e komitetit, përfaqësuesja e Britanisë i ka ndërprerë fjalën përfaqësuesit të Azerbajxhanit duke i kërkuar të raportohet se çfarë ndodh mes Armenisë dhe Azerbajxhanit.
I pyetur nëse konfliktet mes këtyre vendeve sjellin edhe pengimin e përfundimit të projektit TAP, ministri Gjiknuri u shpreh: “Konfliktet sjellin rreziqe për përfundimin e projekteve në kohë. Edhe për ne si Shqipëri projekti TAP varet nga stabiliteti gjeopolitik i të gjitha vendeve nga kalon. Ne shpresojmë që të jetë siguruar stabiliteti në Azerbajxhan, besoj se konflikti mes tyre do zgjidhet, edhe pse ka vende që nuk e duan diversifikimin energjetik”, tha ai.
Ndërsa gjatë fjalës së tij në komitetin për shkencën dhe teknologjinë, ministri Gjiknuri tha se shumë shpejt Shqipëria do të promovojë burime energjie nga dielli dhe era duke nisur nga viti tjetër. “Vitin tjetër licensë për kapacitet diellor 50 dhe 20 megavat”, u shpreh ai.
BW/D.i.
