Policia e Tiranës bën me dije se sot rreth orës 09:30, ka ndodhur një konflikt mes disa personave në zonën e Shish Tufinës.
Policia tregon se sot: ka ardhur një telefonatë tek numri i emergjencave 112, se në Shish Tufinë, tek Qendra Tranzitore e Emergjencave, ka një konflikt midis disa shtetasve.
Menjëherë janë nisur shërbimet e Komisariatit të Policisë Nr 4, të cilët janë ndihmuar edhe nga ushtarët e vendërojes së laboratorit të Ushtrisë, për normalizimin e situatës dhe shoqërimin e personave të përshirë në konflikt.
Pas largimit të shërbimeve të Policisë, të afërmit e të shoqëruarve kanë filluar të sulmojnë me gurë shërbimin e vendërojes së ushtrisë, i cili është detyruar të bëj qitje në ajër, për tu shmangur sulmit të romëve, deri në afrimin e shërbimeve të policisë.
Shërbimet e Policisë bënë shoqërimin e personave të cilët dyshohen të kanë qëlluar me gurë.
Po kryhen veprime për sqarimin e plotë të rrethanave të ngjarjes. /b.d
