Kryetarja e Kuvendit Elisa Spiropali në Konferencen rajonale ‘Strengthening Parliamentary Oversight’, e cila në fokus kishte shkëmbimin e praktikave më të mira për fuqëzimin e mbikëqyrjes parlamentare tha se Shqipëria ka shpallur objektiv strategjik kombëtar anëtarësimin në BE brenda 2030.
Sipas saj, në përfundim të legjislaturës tjetër kuvendi do jetë parlamenti i një vendi anëtar
‘Gjatë këtyre 3 ditëve ju do të shkëmbeni mendime, praktika dhe modele të suksesshme mbi fuqëzimin e një prej funksioneve thelbësore të parlamentareve, kontrollin parlamentar, i cili luan një rol thelbësor në forcimin e demokracisë duke siguruar që institucionet të jenë të përgjegjshme dhe transparente.
Shqipëria ka shpallur objektiv strategjik kombëtar anëtarësimin në BE brenda 2030 që do të thotë në përfundim të legjislaturës tjetër kuvendi do jetë parlamenti i një vendi anëtar. Për arritjen e këtij objektivi kuvendi është duke punuar për hartimin e një plani të ri strategjik 2025-2030. Përgjegjshmëria dhe transparenca janë ndër vlerat kryesore të kuvendit të Shqipërisë.
Institucionet e pavarura, shoqërinë dhe median i kemi ftuar të bëhen pjesë e modeleve të reja që po zbatohen nga kuvendi. Në po punojmë që marrëdhënie e kuvendit me institucionet e pavarura dhe me të drejtësisë të jenë të qëndrueshme dhe dinamike. Kuvendi ka miratuar propozimet ligjore të propozuara nga institucionet e pavarura. Ne vitin e kaluar ngritëm dy komisione, komisionin për antikorrupsionin dhe atë për të koordinuar veprimet institucionale për të luftuar deziformimin, një nga qëllimet është rritja e mbështetjes për qeverisë dhe institucionet e pavarura’, tha ajo.
