Kreu i Shtetit, Ilir Meta, do të ketë sërish sot një konferencë për mediat nga Presidenca. Burime zyrtare bëjnë me dije se në orën 13:30, Meta do të japë edhe njëherë zgjidhjet për krizën e rëndë politike në vend përpara nisjes së pushimeve.
Një ditë më parë, Kreu i Shtetit përmes një postimi në facebook apeloi për gjetjen e një zgjidhjeje tani, pasi në gjykimin e tij në shtator do jetë shumë vonë.
Presidenti nënvizoi se liderët politikë duhet të heqin dorë urgjentisht nga kokëfortësia për të ecur në dy rrugë përjashtuese, jodemokratike dhe joeuropiane, që s’kanë pikë takimi.
“Populli ynë nuk e meriton të mbetet i fundit në rajon, për shkak të liderëve të tij të llastuar! Kemi dhe fare pak kohë për të mos kaluar në KundërKohë” shkruante Meta.
