Komuniteti Mysliman i Shqipërisë ka përgënjeshtruar letrën e publikuar sot në media, të cilën pretendohej se KMSH ja kishte dërguar prokurorisë, ku e informonte për 28 personat e dyshuar për lidhje me terrorizmin.
“Komuniteti Mysliman i Shqipërisë sqaron opinion publik se dokumenti që qarkullon në media dhe në rrjetet sociale, është i falsifikuar. Ky dokument i cili pretendon se Komuniteti Mysliman kërkon hetimin e personave të caktuar, nuk është i vërtetë, është qartazi dallueshëm i falsifikuar dhe nuk ka dalë nga institucioni i Komunitetit Mysliman”- thuhet në reagimin e KMSH.
MEDIAT: ZBULOHET LETRA SEKRETE E KMSH
Sipas mediave në Tiranë, një vit më parë Komuniteti Mysliman Shqiptar me anë të një shkrese të klasifikuar “Sekret” i dërgonte Prokurorisë së Krimeve të Rënda një listë me 28 besimtarë, mes tyre dhe imamë të rëndësishëm të xhamive të kryeqytetit dhe të Durrësit, të cilët duhet të mbahen nën vëzhgim nga autoritet ligjzbatuese pasi përbëjnë rrezik për terrorizëm. Komuniteti Mysliman i kërkon drejtuesit të Prokurorisë së Krimeve të Rënda të asaj kohe Eugen Beci që “Të merren në vëzhgim këto shtetas që ushtrojnë veprimtari të dhënies së mësimeve fetare të pakontrolluara në Republikën e Shqipërisë dhe përbëjnë rrezik për terrorizëm.
1.Genci Balla
2.Enes Caushllari
3.Mustafa Kuqi
4.Arjan Lika
5.Ahmet Kalaja
6.Bujar Hysa
7.Aimir Bregu
8.Verdi Morava
9.Erjon Luka
10.Orjon Reçi
11.Zeqir Ymeri
12.Elez Myftari
13.Astrit Tola
14.Edmond Balla
15.Hektor Veliaj
16.Fadil Muslimani
17.Dashamir Kalaja
18.Mustafa Terniqi
19.Abaz Shehu
20.Redi Quku
21.Samet Shehu
22.Vedat Kokona
23.Ilir Begasi
Shtetasit shqiptarë në listë janë 23, ndërsa janë përfshirë dhe 5 shtetas të huaj me origjinë arabe të cilët kanë aktivitet në Shqipëri, si drejtues të biznese apo shoqatave jo fitimprurëse.
1.Mohammad Hassan
2.Abdyl Kabir
3.Mohammed Omar
4.Mohammad Tahre Anwari
5.Sayyed Mohammed Haqqani
Shkresa e Komunitetit Mysliman Shqiptar mban numrin 79 të protokollit e firmosur me datën 17.02.2015 . Lista i është dërguar dhe Shërbimit Informativ Shtetëror.
