Është mbajtur sot seanca dëgjimore në KPK me gjyqtarin e Gjykatës së Lartë, Shkëlzen Selimi, i cili po i nënshtrohet procesit të vetingut.
Ai është paraqitur pa avokat mbrojtës para Komisionit të Pavarur të Kualifikimit, të përbërë nga Xhensila Pine, Etleda Çiftja dhe Valbona Sanxhaktari.
Para nisjes së seancës ai kërkoi që ajo të pezullohet, duke insistuar që të hetohet nxjerrja e informacionit të fshehtë, referuar të dhënave të publikuara nga KPK për komunikimet e tij me një të dënuar. Gjyqtari pretendon se materiale sensitive dhe të mbrojtura me ligj, kanë dalë në media.
“Përmes komunikimit publik me është bere me dije përbërja e trupës gjyqësore. Dhe unë kam shprehur konsideratën për të tre anëtaret e KPK. Por nisur nga faktet që kanë ndodhur rishtaz dua të nisë hetimi disiplinor ndaj trupës sepse në TCH dje është transmetuar një kronike ku jep të dhëna sensitive. Unë kërkoj pezullimin e seancës dëgjimore sepse do i kërkoj ONM të nisë procedure disiplinore sepse janë përdorur të dhëna kofidecinale. Unë dyshoj se këto te dhëna i janë shitur ketii TV dhe mendoj se ky TV ka shkuar me tej sa të ndikojë në këtë proces”, ka deklaruar gjyqtari.
Por kjo kërkesë e tij nuk u pranua nga KPK, duke vijuar më tej me seancën. Pas refuzimit të kërkesës nga KPK, gjyqtari Shkëlzen Selimi është larguar nga salla. Kujtojmë këtu se Selimi, është gjyqtari i dosjes së “Gërdecit”, i çështjes së Arben Frrokut, Aldo Bares etj./a.m.
