Komisioni Hetimor Parlamentar për Inceneratorët u mblodh ditën e sotme dhe miratoi planin e hetimit. Në mbledhjen e sotme të drejtuar nga kryetarja e Komisionit, Jorida Tabaku u ra dakord që brenda kësaj jave të bëhet prezantimi i pretendimeve për 3 dosje, inceneratorin e Fierit, Elbasanit dhe Tiranës. Komisioni gjithashtu ra dakord që në datat 18 deri më 24 shkurt, të bëhet thirrja e dëshmitarëve, ku mes tyre në pyetje do të merret nga deputetët edhe kryeministri Edi Rama. Rama do të jetë prezent në Komision midis datave 21 dhe 23 shkurt. Pjesë e listës së dëshmitarëve janë edhe ish-ministri i arrestuar tashmë Lefter Koka, zv.kryeministri Arben Ahmetaj, kryebashkiaku Erion Veliaj dhe administratorë të inceneratorëve në të 3 qytetet.
Tabaku: 14-18 shkurt do të thirren ekspertët, pastaj deri në 25 shkurt kryeministri dhe ministrat dhe ish-ministra.
Felaj: Ne ramë dakord, duke pasur edhe dëshmitarë q eënuk mund të jenë prezent në një ditë dhe një kohë të caktuar, ajo që dua të shpreh tjetër ka të bëjë me faktin që thirrjet ti bëjmë në kohën e duhur.
Tabaku: Lefter Koka është përpara drejtësisë, ne do e dërgojmë shkresën, kemi 3 persona që janë në kërkim, që nuk dimë se ku do i dërgojmë shkresat, do ua cojmë administratorëve.
g.kosovari
