I ashtëquajturi Komisioni i Rithemelimit, në kuadër të ndryshimeve që po ndërmerr, ka rikthyer në detyrë rojën e dorëhequr të selisë blu, Pëllumb Matraku.
Deputetët Flamur Noka, Belind Këlliçi dhe ish deputeti Klevis Balliu hynë në ambientet e PD dhe thanë se po priten ekspertët për të hequr dyert e blinduara.
‘Që nga sot do rikthehesh në krye të detyrës!’, u shpreh Flamur Noka teksa një dorë e mbante mbi supin e rojes së PD.
Pëllumb Matraku deklaroi para protestës së 8 janarit se vendosi të largohet nga detyra pasi nuk i pëlqenin reagimet që po ndodhin mes demokratëve.
‘Kam punuar 24 vite në PD. Jam shumë krenar që kam punuar me profesor doktor Sali Berishën. Në 2 legjislaturat e fundit kam punuar me Lulzim Bashën, i jam shumë mirënjohës.
Sot (të mërkurën) bëra një largim para kohe sepse nuk më pëlqejnë disa reagime mes demokratësh. Bëni mirë të gjeni gjuhën, mos i bëni qejfin të tjerëve’, shkruante Pëllumb Matraku në atë kohë.
Mul Noka fryhet si i firte.Po ti je pa tru ne koke o karafil