Ambasada e Shteteve te Bashkuara në Tiranë i dha dritën jeshile propozimit të Partisë Socialiste për një komision të posaçëm anti-korrupsion.
Ndërkohë, lidhur me këtë propozim të PS, Gazment Bardhi nuk pati kundërshtime për ti bërë bashkë reformat në Kuvend, që janë të domosdoshme për integrimin e vendit ne bashkimin Europian.
Gazetari Ardit Rada, në një intervistë në “Ora e Fundit” komentoi këto zhvillime të fundit politike në vend.
Gjatë bisedës në studio, ai u shpreh se qëndrimi i Gazment Bardhit sipas tij, është hipokrit, pasi reagimi i tij ishte pas deklaratës së ambasadës së amerikane në Tiranë.
“Reagimi i Gazment Bardhi është dëshpërues dhe hipokrit, pasi do të kishte vlerë nesër do të ndodhte para reagimit të ambasadës amerikane. Nga ana tjetër s’e dimë nëse flet në emër të Berishës apo grupit parlamentar. Bardhi shprehet mban komunikim të vazhdueshëm me ambasadën amerikane dhe BE. Kjo është edhe fabula që i ka shitur Berishës me idenë se mund ta ndihmojëte zbutja apo heqja e non-gratas. Kështu edhe siguron pozicionin e tij tek Rithemelimi. Por nëse reagimi i Bardhit do të vinte pas mbledhjes së grupit parlamentar socialist, do të mund të ishte edhe serioz, por për sa kohë vjen pas amerikanëve, nuk mund të themi se vlen. Ai priti dhe foli pas amerikanëve”, ka thënë ai.
/abcnews.al/
